Chit-Chat @ A1 - Tips e-Mail?

"Mengapa luan banyak email masuk dlm inbox ku anii... cana dorang tau email ku ani kan? nada lagi yg ku kenal tu yg mengirim ah??"

- email yang masuk tapi nda kitani kenali, atu tah yg di panggil SPAM!

Spam ani mcm2 sifatnya:-

1. 'Phishing' - memerangkap kitani... like.. menyuruh kitani membali barang dari bisdia atau berurusan dgn bisdia ani atau menyuruh kitani belanggan dgn apa2 saja bisdia offer!

2. Ia kan menyuruh masuk ke dalam website bisdia yang biasanya 'attached' dgn virus tu.. contohya: Download Gambar, Video, Lagu (MP3) atau Free Software

3. Menyamaki email inbox kitani ganya!

" ..Dari mana kan Spam Mail ani? Cana ia tau kan email address kitani?" 

Spam email ani selalunya diperolehi dari pada Contact Address (Contact email)

Contoh: Biskita kan mengirim arah abu@mailpanas.com, liau@hoyoo.com, giuk@gimil.com

Si abu@mailpanas.com ada 100 orang email address

Si liau@hoyoo.com ada 240 org email add

giuk@gimil.com ada 50 org email add

So... secara inda langsung SPAMMER akan  DUPLICATE email add dari contact bisdia ani, yatah jadinya... email ani beranak-ranak... bulih jadi beratus-ratus ribu jadinya!!! UHHH :(

Senario:

" tapikan... aritu ada plang ku kana email ulih kawan ku (yg dlm contact address ku) tapi.. bila ku tanya, nada ia pernah ngakun sending email pun?? Lojik kn tu?"

Perkara ani memang ada berlaku, padahal sender atu kawan kitani sendiri, tapi bila ditanya, nda pernah ia mengemail since komputernya rusak.... hmm... heran?

As i said tadi, email address biskita atu, kana duplicate dari contact kawan2 biskita... so ia akan automatically sending email arah biskita PADAHAL isi email atu GANJIL sulnya... like menjual Viagra tah apa...jual Ecstacy tia... macam2 lagi lah...... 

So.. apa yang penting:-

1. JANGAN DIREPLY ARAH EMAIL ATU!!! PENTING!

If kitani REPLY, ani akan membaritau SENDER bahawa EMAIL Biskita atu banar-banar ada, and bisdia menganggap AKTIF eMail biskita atu... makin direply, makin tah lagi ia mengantar... nda mau branti....

2. Tandakan arah email atu as JUNK e-mail atau SPAM.

Bila sudah ditakahi JUNK atau SPAM, next emailnya akan masuk automatically di dalam SPAM/JUNK folder email biskita... so nda payah lagi biskita ingau... maksudnya... mana-mana email yang masuk dlm folder SPAM/JUNK jgn luan dipajal dibuka... ok! ;)

3. DELETE saja tarus! 

 

Sekian untuk kitani sama2 belajar serba sedikit mengenai security computer kitani... :)

A1-Editor

Chit-Chat @ A1 -Permasalahan Komputer?

Permasalahan: Komputer selalu 'Hang'? 

"PC ku ani inda lagi laju bah.. biasanya... laju bah nie masa awal-awal membali.. aniii..sloww banarrr ehh... napa ya ah?"

Keterangan:

1. Apa jenis OS: Windows or Mac?

2. Jenis Processor?

3. Ada Akses ke Internet?

4. Firewall / Anti-Virus installed?

Solution/Penyelesaian:

1. Reboot/Restart komputer biskita?

Biasanya by rebooting, komputer biskita akan dapat 'refresh' cache memory komputer atu..

**Hang/Freeze = "Teranah... nda lagi begarak2 mouse pointer or keyboard nda befungsi"

Ani adalah disebabkan oleh beberapa faktor:-

1. Memori panuh... (RAM)

*Memori basar, lagi baik... makin capat komputer bekraja.. 

*Video-RAM (VRAM) pun sama jua pentingnya... tapi biasanya ia fixed nda dapat diupgrade..VRAM ani lebih kegunaan arah komputer yang untuk 'Multimedia dan Game!!

2. Harddisk (HDD) Panuh, nada space lagi?

... So..HDD biskita menjadi sanak... mcm org nda dapat benafas (nada empty spaces) yatah sebabnya pandai tia hang..

*HDD perlu jua basar, ani adalah betujuan bagi PC  biskita membuat SWAPFile di dalam HDD biskita...

*SwapFile ani sifatnya sementara (Virtual Memory) untuk menampung RAM biskita yang sedia ada.

*Walau macamana basar RAM biskita, masih jua ia perlu SwapFile di dalam HDD biskita atu..

3. Virus/Worm.. ani penyakit yang lumrah arah PC biskita (biasanya Windows Users la..)

*Virus/Worm ani biasanya diperolehi dari sharing 'pendrive'..

*Bagi mengelakkan jangkitan Virus ani, PASTIKAN SCAN cia dulu arah komputer yang ada ANTI_VIRUS yang beUpdate... If nda updated, nada jua paidahnya tu...menjangkit tah jua tu karang... :)

*Anti-Virus boleh diperolehi melalui internet...contoh AVG yang Free didownload BUT ada jua risikonya kalau kitani nda berhati-hati mendownload yang Free ani (berisiko jua tu... harus diingat, NADA yang FREE dalam Dunia ani kalau nada sabab)

4. Upgrade OS ---> start button>Programs>Windows Update

*upgrade OS ani penting... ani tujuan security.. sebabnya komputer boelh dicompromise kalau nda beupdate.... antara lain maksudnya, bertujuan memampan mana-mana port yang terbuka yang membolehkan ianya dapat dicerobohi dari luar....

 

5. Meng-installed 'Software Pirate' or Freeware melalui internet

* as i said tadi, nada yang FREE dalam dunia ani... so... berhati-hati dgn Pirated Software atau Freeware... ada saja tujuan bisdia membagi Free ani... disini tah jua datangnya virus (Trojan) and bekraja di dalam PC biskita.

* Trojan /Spyware merupakan satu program yang membolehkan bisdia ani MENCURI MAKLUMAT2 DI DALAM HARDDISK BISKITA!! 

* Spyware ani jua yang MELAMBATKAN bila kitani berINTERNET... kitani surfing internet, ia pun SIBUK jua kuar-masuk ke internet (tujuan menghantar/mengambil maklumat kitani TANPA disedari) use Ad-Aware Remover

* Firewall - dapat menghalang penceroboh masuk atau mencuri maklumat dari dalam PC biskita. - use Zone Alarm

6. Komputer yang selalu tekana infection virus ani, komputer yang ada akses ke internet! disamping bertukar-tukar pendrive atau floppydisk (opss floppydisk inda lagi bepakai masa  aniee... :)

Senario:

"..So... mun sudah nda dapat kan bepinjam-pinjaman Pendrive, bahaya kan beinternet, apa tah kan dibuat ni??"

Solution:

".. mun tau udah bahaya cematu, bah... balajar tah macamana kan memelihara komputer biskita...caranya...antar ke kadai komputer??? ehhmm..."

Caranya....simple saja..

1. Senaraikan Masalah komputer biskita.

2. Kemudian cari ubat penyelesaiannya.

3. System Upgrade? 

If VIRUS attack - Install Anti-Virus and update jua tarus! (daily/weekly update)

If SLOW... tambahi lagi RAM (minima pun 1GB masa ani..)

If PLANNED kan meng-upgrade system, pastikan dulu 'Specs' PC biskita, adakah worthed diupgrade atau membali yang baru saja? :)

Tapi.. if CPU biskita jenis CELERON, i rekomen go for PENTIUM :)

*Celeron meant for simple task saja...where as Pentium meants for Heavy Duty or AMD for Gaming... fuyoo.. ;)

"Mudahan kurapak kitani ani membari manfaat untuk semua... bagi yang Terror-terror atu... jgn dibiarkan orang yang bermasalah ah... but tolong tah bisdia carikan penyelasaian sama-sama.... insyallah.. belipat-ganda ganjarannya tu nanti....amiiiinn.."

A1-Editor :)